Africa Great Lakes Democracy Watch



Welcome to
Africa Great Lakes Democracy Watch Blog. Our objective is to promote the institutions of democracy,social justice,Human Rights,Peace, Freedom of Expression, and Respect to humanity in Rwanda,Uganda,DR Congo, Burundi,Sudan, Tanzania, Kenya,Ethiopia, and Somalia. We strongly believe that Africa will develop if only our presidents stop being rulers of men and become leaders of citizens. We support Breaking the Silence Campaign for DR Congo since we believe the democracy in Rwanda means peace in DRC. Follow this link to learn more about the origin of the war in both Rwanda and DR Congo:http://www.rwandadocumentsproject.net/gsdl/cgi-bin/library


Sunday, January 1, 2012

RWANDA:IHURIRO NYARWANDA- CONGRES NATIONAL RWANDAIS-RWANDA NATIONAL CONGRESS

ITANGAZO

UMWAKA MUHIRE 2012. BONNE ANNÉE 2012. HAPPY NEW YEAR 2012

Kw’itariki ya 12/12/2011, Ihuriro Nyarwanda ryijihije umwaka umwe w'amavuko. Ubu umwaka w’ 2011 urarangiye , dutangiye uw’ 2012. Hari byinshi abatangije iri Huriro n'abariyobotse twakwishimira twagezeho mu mwaka umwe gusa. Ibitekerezo by'Ihuriro byakiriwe neza mu Banyarwanda bo mu moko yose no mu turere twose. Ibyo bitekerezo bikubiyemo imigambi ihamye yo kurangiza burundu ibibazo byugarije Abanyarwanda, nko kwicwa, gufungwa, gutotezwa, kutagira ubwinyagambuliro muri politike, kuniga itangazamakuru,kuboha societe civile, kutubahiriza uburenganzira bw’ ikiremwa muntu, kwokamwa n'ubuhunzi, gusahura umutungo w’Abanyarwanda n’abaturanyi ( DR Congo), amacakubiri ashingiye ku moko n'uturere, ubutegetsi bushingiye ku gitugu.

Ihuriro ryantangiye umwaka wa 2011 rigizwe n’abaritangiye gusa. Nubwo abitabiriye icyo gikorwa bari bake cyane, hari hatumiwe benshi. Mu mperaz’umwaka w’ 2010, n’itangiriro ya 2011, Ihuriro ryadukanye ubutumwa bushingiye kugushakisha gukemura ibibazo byavuzwe haruguru. Ihuriro Nyarwanda ryatangarije abanyarwanda n’amahanga ko riharanira ubumwe bw’Abanyarwanda, demokarasi, kwishyira ukizana kw’abaturage, imibanire y’abanyarwanda irangwa n’amahoro, guhana agaciro nyakuri, ubwubahane, guca amakimbirane ashingiye ku moko n’uturere, no kubaka igihugu kigendera ku mategeko kandi giharanira imebereho myiza y’abaturage bose.

Ihuriro Nyarwanda ryatangaje ku mugaragaro ko rizafatanya n’abanyarwanda bose guhagarika amateka arangwa n’intambara, jenoside, no guhungabanya uburenganzira bw’ikiremwamuntu mu banyarwanda; kurandura burundu umuco wo kudahana; kuzamura ubukungu bw’igihugu no kwita ku mibereho myiza y’abaturage bose; guharanira demokarasi n’ubutegesti bugendera ku mategeko; kubaka inzego z’ubutegetsi n’izumutekano ziharanara inyungu z’abaturage bose, ko twese tungana imbere y’amategeko, kurangiza burundu ikibazo cy’impunzi z’abanyarwanda; ubwiyunge no gusana imitima y’Abanyarwanda; kwitwararika imibanire myiza n’abaturanyi mu karere, gushimangira umuco wo kuvugisha ukuri no kworoherana. Ihuriro Nyarwanda ryanatangaje zimwe mu ngamba zizashyirwa mu bikorwa kugira ngo twubake urwo Rwanda rushya.

Rugikubita, abashinze Ihuriro Nyarwanda, bifashishije Komite Y’agateganyo n’abariyobotse mw’ikubitiro. Abo bose bitanze mu buryo bw’intangararugero mu kwegera no kuganira n'Abanyarwanda muri Afurika, mu Burayi, Amerika, Canada, no kw’Isi hose. Ntibyari byoroshye, ariko byari bikwiye. Nyuma y’umwaka umwe gusa, ubu ibyo bitekerezo byatangiye gushinga imizi mu myumvire y'Abanyarwanda.

Abanyarwanda baragenda barushaho kwigirira icyizere no kwizerana, kandi baragenda barushaho gufatanya kugirira icyizere ejo hazaza. Hari abantu benshi ubu bayobotse kandi bakomeje kuyoboka Ihuriro Nyarwanda. Abanyarwanda b’ingeri zose bitabiriye ibikorwa byaryo. Mu myigaragambyo n'amanama byabereye i London mu Bwongereza, i Chicago muri Amerika, i Paris mu Bufaransa, i Buruseli mu Bubiligi, i Perth muli Australia,no hirya no hino muri Afurika y'Epfo, Abanyarwanda berekanye ko bamaze gushira ubwoba, bamagana bivuye inyuma ubutegetsi bw'igitugu bwa Kagame. Kubera akazi k'Ihuriro Nyarwanda n'abafatanyije na ryo urugamba rwo kubohoza u Rwanda, cyane cyane FDU-Inkingi, ubu Kagame yahiye ubwoba, acika henshi mu bihugu yahoze yidegembyamo. Emwe n’aho agiye, asigaye agenda yikandagira, asa n’ubebera cyangwa usesera. Abanyamahanga bari bamushyigikiye ubu batangiye kugaragaza ubwicanyi bwe. Abongereza baburiye abanyarwanda batuye mu Bwongereza ko maneko za Kagame zibahiga kubica, kandi impungenge zabo bazigeza no ku bihugu baturaye bicumbikiye bashobora guhigwa n'ubutegetsi bwa Kagame; Ambasaderi Suzan Rice, uhagarariye Amerika muli ONU yareruye ati mu Rwanda nta demokarasi, nta bureganzira bw’ikiremwa muntu, abantu baranyerezwa. Afurika y' Epfo yatangaje ku mugaragaro ko itazatanga abahunze Kagame, ngo basubizwe mu Rwanda ku gahato. Ubasanzwe twari tumenyereye ko Ihuliro Nyarwanda kimwe n’abandi batavuga rumwe na Leta y’i Kigali bavugisha Kagame amangambure, ariko noneho ubu yaragaciye; aho kugirango yumve impanuro y’uriya mudamu Suzan Rice, ubu noneho yacitse ururondogoro, asigaye avuga amatakaragasi,ngaho mu muganda i Nduba, ngaho I Kampala, ngaho muri ya nama y’igirwamishyikirano, n’ahandi. Kandi ni mu gihe, burya koko ngo “ntawuhana uwahanutse!”

Abanyarwanda batangiye gushirika ubwoba no guharanira uburenganzira bwabo. Bafitiye icyizere Ihuriro Nyarwanda ryabahaye icyerekezo, rikabatinyura, kandi rikabajya imbere mu rugamba rwo kurandura burundu ubutegetsi bw’igitugu, no kwubaka u Rwanda rushya. Abaturage bashiritse ubwoba, bifitiye icyizere kandi bafite ubushobozi n’ imbaraga zidashobora gutsindwa. Niyo mpavu Ingoma y'igitugu I Kigali rero yataye umutwe, igeze aharindimuka, irasaza imigeri, ikoresha amayeri atandukanye igamije kujijisha Abanyarwanda n’abanyamahanga. Nkuko twakomeje kubibatangariza, kandi nkuko namwe mubizi, nta ngoma yica, itegekesha igitugu, kandi isahura abaturage iramba. Mwarabyiboneye muli Tunisia, Egypt, Libya, n’ahandi hirya no hino kw’Isi.

Ihuriro Nyarwanda rirashima byimazeyo abayobozi n’abayoboke baryo bakoze akazi katanze uyu musaruro. Ihuriro rirashima kandi rishimangira umubano utagira amakemwa rifitanye na FDU-Inkingi, wo mizero yo kubakiraho ubufatanye n’andi mashyaka, imilyango y’Abanyarwanda, n’Abanyarwanda bose mu kurangiza urugamba rugomba gusozwa dutsinze. Turashimira kandi abanyarwanda uburyo bitabiriye kandi bakomeje kwitabira ibitekerezo n’ibikorwa by’Ihuriro. Ibyo tubifuriza kandi na bo bifuza ni bo bazabyigezaho. Inkunga y’abandi izaza yongera, kandi ngo ak’imuhana kaza imvura ihise. Turashimira n’abanyamahanga batangiye gusobunukirwa ububi bw’ubutegetsi bw’I Kigali, tubasaba ko barusha kureba inyungu z’Abanyarwanda bose aho gushyigikira ubutegetsi bushingiye ku muntu umwe n’agatsiko ke.

Ihuriro Nyarwanda rilibutsa abanyarwanda ko inzira ikiri ndende. Twishime kandi tunezerwe ku ibyo tumaze kugeraho, ariko twe guterera agati mu ryinyo ngo twatsinze. Abanyarwanda mu gihugu baracyari ingwate, baratotezwa, baricwa, bahiye ubwoba. Abanyarwanda barashonje, ubukene buravugiriza. Hari bagenzi bacu bafunzwe kubera impamvu za politike. Impunzi z’abanyarwanda zirabungera mu nkambi zidafite epfo na ruguru. Abarwanya ubutegetsi bw’igitugu bw’i Kigali bakeneye gushyira hamwe kurushaho ngo bubake ingufu zihagije zo gusenya vuba na bwangu ubutegetsi bubi no kwubaka ubwiza. Abanyarwanda batari bake baracyuzuyemo bya bitekerezo by’ amoko n’uturere, no gutinya ejo hazaza batareba neza. Hagati aho Kagame ntasinzira, akomeje gukora ibishoboka byose, birimo kureshyareshya bamwe mu bamurwanya, abasezeranya amafaranga, imyanya, ikuzo n’ibindi. Hari n’abanyamahanga nabo bagenzwa na twinshi bakimutsimbarayeho. Ibyo ntibidukanga, ahubwo bituma turushaho kugira imbaraga zo gukaza umurego wo guhirika igoma y’igitugu.

Nibyo hari byinshi Ihuriro ryagezeho mu 2011. Ariko hari ibindi byinshi byo gukora muri uyu mwaka dutangiye w’ 2012. Muri byo,tuzakomeza kwegera Abanyarwanda, cyane cyane mu Rwanda, tubakangurira kwisuganya no gufatanya ngo turangize uru rugamba. By’umwihariko, tuzakomeza guharanira ifungurwa ry’infungwa zose za politike, kuvugira impunzi z’Abanyarwanda zikomeje gutotezwa na Kigali ishaka kuzicyura ku ngufu, kwegera amahanga n’Imilyango mpuzamahanga mu gusobanura ikibazo cy’u Rwanda, kurushaho gushimangira umubano na FDU-Inkingi, no kubaka umubano n’andi mashyaka ndetse n’imilyango Nyarwanda, kubaka inzego z’Ihuriro no kuzitoza umuco wa demokarisi n’ imikorere ya kijyambere, gutegura no gukoresha Convention y’Ihuriro izitoramo abayobozi kandi ikemeza inzego n’ibikorwa bigamijwe mu myaka iri imbere, no gushakisha amikoro kugira ngo urugamba rufate indi ntera.

Tubamenyesheje kandi ko Ihuriro Nyarwanda (RNC), guhera uyu munsi itariki 1/1/2012 rikinguye ibiro bikuru byaryo, i Washington DC, USA, kugirango rirusheho kuvugira abanyarwanda bose batagira kivulira, no kubaka ingufu zihagije mu gutsinda urugamba tunyuze mu nzira y’amahoro.

Mwabonye umuvuduko w’Ihuriro muri 2011. Tuwukesha mwebwe abayobozi , abayoboke namwe banyarwanda, banyarwandakazi.

Mwese Ihuriro Nyarwanda ribifurije Umwaka Muhire w’ 2012.

Imana ibarinde.

Tuzatsinda!

Mw’Izina rya Komite y’Agateganyo n'Abayoboke b'Ihuriro

Dr. Theogene Rudasingwa

Umuhuzabikorwa

IHURIRO NYARWANDA (RNC)

Washington, DC

USA

1/1/2012

4 comments:

Anonymous said...

I go through the review on a number of internet websites and was afraid to move.
Then I talked on the loan agent at cash retailer and told
them about what I go through, and just how would I be assured that
this kind of things won't take place to me. His answer was "we closed above 24,000 loans last yr, and we had issue with 28, that is not considerably and we're
doing work difficult to lower that number". He gave me bunch of payday lenders PR lectures and convinced me that I would be producing a good move with them.

oakleyses said...

chanel handbags, true religion, michael kors outlet online, gucci handbags, louis vuitton outlet online, polo ralph lauren, louboutin shoes, louis vuitton handbags, louis vuitton, michael kors outlet online, nike air max, air max pas cher, true religion outlet, coach outlet store online, kate spade outlet online, louis vuitton outlet, michael kors outlet, polo ralph lauren outlet, longchamp outlet online, tiffany and co jewelry, longchamp handbags, kate spade handbags, nike shoes, michael kors outlet store, true religion outlet, christian louboutin shoes, longchamp outlet, nike air max, tory burch outlet, red bottom shoes, christian louboutin outlet, prada outlet, coach outlet, louis vuitton outlet, tiffany jewelry, nike free, coach purses, ray ban outlet, michael kors outlet online, burberry outlet online, prada handbags, jordan shoes, burberry outlet online, michael kors outlet online, nike air max, coach outlet

oakleyses said...

scarpe hogan, nike air force, sac vanessa bruno, vans outlet, hollister, timberland, michael kors uk, vans pas cher, michael kors canada, nike huarache, louis vuitton pas cher, hermes pas cher, nike free, louis vuitton, north face, oakley pas cher, sac michael kors, new balance pas cher, hollister, nike blazer pas cher, sac louis vuitton, roshe run, ralph lauren pas cher, longchamp, converse pas cher, air jordan, nike roshe, nike roshe run, mulberry, lululemon, ralph lauren, longchamp, louis vuitton uk, mac cosmetics, guess pas cher, ray ban pas cher, hollister, burberry pas cher, nike air max, barbour, air max, lacoste pas cher, north face pas cher, ray ban uk, tn pas cher, nike free pas cher, chaussure louboutin, nike trainers, longchamp pas cher, abercrombie and fitch

oakleyses said...

herve leger, moncler, uggs outlet, hollister clothing, birkin bag, instyler ionic styler, babyliss pro, canada goose pas cher, soccer shoes, canada goose, baseball bats, moncler, new balance outlet, beats headphones, marc jacobs outlet, mcm handbags, soccer jerseys, canada goose outlet, nike air max, rolex watches, valentino shoes, ugg soldes, canada goose uk, chi flat iron, abercrombie and fitch, mont blanc pens, canada goose outlet, lululemon outlet, moncler, celine handbags, bottega veneta, ugg boots, jimmy choo shoes, ugg, iphone 6 case, reebok shoes, wedding dresses, canada goose outlet, asics shoes, uggs on sale, moncler outlet, ferragamo shoes, ugg outlet, insanity workout, north face outlet, giuseppe zanotti, ghd, nfl jerseys, p90x workout, north face jackets